Taumgöngunámskeið |
Togar hundurinn þinn eða viltu bæta samskipti ykkar í göngutúrum?
Á þessu námskeiði förum við yfir hvernig við vinnum með tauminn og hvaða áhrif taumurinn hefur á hundinn, kennum hundinum að vera rólegum í taumgöngu og vinnum með augnsamband ásamt því að kenna honum að ganga við hliðina á okkur fram hjá truflun. Hundurinn þarf að vera í beisli og í 5 metra löngum taum á þessu námskeiði. Mælum með að fara fyrst á námskeið í andlegri örvun þar sem við munum ekki fara yfir þær æfingar á þessu námskeiði. Verð:Taumgöngunámskeið: 16.500kr
Námskeiðið er 4 klst sem skiptist á 3 skipti. Taumgöngunámskeið á döfinni:Tími 1 : 26. mars kl. 18 til 19:30 Þriðjudagur
Tími 2: 3. apríl kl. 18 til 19 Miðvikudagur Tími 3: 7. apríl kl. 12 - 13:30 Sunnudagur Apríl lota dag. kemur inn fljótlega. Hægt er að skrá áhuga á næstu lotu, þá þarf ekki að ganga frá greiðslu. Nánar um námskeiðið:
Að njóta þess að vera úti saman í göngutúr skiptir öllu máli. Ef hundurinn á það til að vera æstur, of glaður, smá stressaður, eða hreinlega á bara eftir að læra að toga ekki í tauminn er þetta námskeið fyrir þig. Stundum er það að labba, aðeins of spennandi svo hundurinn missir sig og togar nánast af þér hendina. Við vinnum með væntingastjórnun og slökun á þessu námskeiði ásamt taumgöngu. Að geta slappað af úti skiptir öllu máli til þess að fá góða taumgöngu. Á námskeiðinu förum við vel í taumgönguna með því markmiði að hundurinn geti labbað með slakan taum, þefað í rólegheitum, að hann geti slappað af úti og nái að veita þér athygli þegar þess þarf. Ath. að þetta er ekki hælgöngunámskeið, þótt við munum fara í gegnum æfingar sem fá hundinn til að labba við hliðina á þér. Allir geta verið með hvort sem þú/hundurinn hefur áður farið á námskeið eða ekki. Hópa námskeið hentar ekki þeim hundum sem verða OF æstir, OF stressaðir eða OF hræddir við aðra hunda. Eða er almennt með mikinn kvíða eða hræðslu. Erum með lífsleikninámskeið sem hentar betur þá. Ef þið eru ekki viss hvort þetta námskeið hentar ykkur, sendið þá póst á hunda@hunda.is og við metum það saman. Öll fjölskyldan er velkomin með á námskeiðið. Námskeiðið er öflugt með mikið af upplýsingum um atferli hunda og hvernig þeir læra. Þannig getið þið auðveldlega kennt þeim allskonar bæði mikilvægar og skemmtilegar æfingar í framtíðinni Kennt er með jákvæðum aðferðum sem byggjast á nýjustu rannsóknum um atferli hunda. |